மின்சாரம் தாக்கி யாழ்ப்பாணத்தில் ஒருவர் பலி
யாழ்ப்பாணம் அனலைதீவு பகுதியில், வெள்ளிக்கிழமை (18) மின்சாரம் தாக்கியதில் ஒரு ஆண் உயிரிழந்த சம்பவம் பதிவாகியுள்ளது. ஐந்தாம் வட்டாரம், அனலைதீவு பகுதியைச் சேர்ந்த 37 வயது நபரே இந்த சம்பவத்தில் உயிரிழந்தார்.
சம்பவத்தின் போது, ஐயனார் கோவிலில் பாடலை ஒலிபரப்பு செய்ய மின் இணைப்புகளைச் செய்துகொண்டிருந்தபோது, மின்சாரம் தாக்கியுள்ளது. அருகிலிருந்தவர்களால் அவர் உடனடியாக வைத்தியசாலைக்கு கொண்டு செல்லப்பட்டாலும், அவர் ஏற்கனவே உயிரிழந்துவிட்டார் என்று வைத்தியர்கள் உறுதிப்படுத்தியுள்ளனர்.
உயிரிழந்த நபரின் சடலம் உடற்கூற்று பரிசோதனைக்காக யாழ்ப்பாணம் போதனா வைத்தியசாலைக்கு அனுப்பப்பட்டுள்ளது.
