யாழ் புங்குடுதீவில் இறைச்சிக்கு மாடுகளை கடத்திய பொலிஸ்காரன் கைது!
இறைச்சிக்காக 8 மாடுகளை புங்குடுதீவு பகுதியில் இருந்து திருட்டுத்தனமாக கடத்தி கொண்டு சென்ற பொலிஸ் உத்தியோகத்தர் உட்பட மூவர் யாழ்ப்பாண பொலிஸ் விசேட அதிரடி படையினரால் கைது செய்யப்பட்டுள்ளனர்.
மீட்கப்பட்ட மாடுகளுடன் கைது செய்யப்பட்ட மூவரும் யாழ்ப்பாண பொலிஸ் நிலையத்தில் பாரப்படுத்தபட்டனர்.
இவர்கள் புங்குடுதீவில் இருந்து யாழ்ப்பாணம் நோக்கி வரும்போது பண்ணையில் வைத்து கைது செய்யப்பட்டுள்ளார்கள்.
மேலதிக விசாரணைகளின் பின் அவர்களை நீதிமன்றில் முற்படுத்த பொலிஸார் நடவடிக்கைகளை முன்னெடுத்து வருகின்றனர்.
குறித்த மாடுகள் அனைத்தும் திருடப்பட்ட மாடுகளென ஆரம்ப விசாரணைகளில் தெரியவந்துள்ளது.
