யாழில் ஹெல்மட் இல்லாமல் சென்ற இரு காவாலிகள் காருடன் மோதிய காட்சிகள்!!
தலைக்கவசம் அணியாமல் மோட்டார் சைக்கிளில் பயணித்த இரண்டு காவாலிகள் பொலிஸாரிடமிருந்து தப்புவதற்காக வேகமாக சென்றபோது காருடன் மோதி விபத்துக்கு உள்ளாகினார்.
யாழ் பலாலி வீதி கந்தர்மடம் சந்தியில் குறித்த விபத்து நேற்று சனிக்கிழமை மாலை இடம்பெற்றது.
காயமடைந்தவர் சிகிச்சைக்காக யாழ் போதனா வைத்தியசாலையில் அனுமதிக்கப்பட்டுள்ளார்.
இது குறித்து தெரிய வருவதாவது,
யாழ் நல்லூர் பகுதியில் போக்குவரத்து பொலிஸார் கடமையில் ஈடுபட்ட போது அவ் வீதியில் வந்த இரண்டு இளைஞர்கள் தலை கவசம் அணியாது மோட்டார் சைக்கிளில் சென்றுள்ளனர்.
இதனை அவதானித்த போக்குவரத்து பொலிஸார் இரண்டு இளைஞர்களும் செலுத்தி சென்ற மோட்டார் சைக்கிளை துரத்தி சென்றனர்.
பொலிஸாரிடம் இருந்து தப்பித்து செல்வதற்காக அதி வேகத்தில் பயணித்த மோட்டார் சைக்கிள் கந்தர்மடம் சந்தியில் பயணித்த காருடன் மோதி விபத்துக்குள்ளானது.
சம்பவ இடத்திலிருந்து மோட்டார் சைக்கிளில் பயணித்த ஒருவர் தப்பித்தோடிய நிலையில் மற்றொருவர் வைத்தியசாலையில் அனுமதிக்கப்பட்டார்.
சம்பவம் தொடர்பாக யாழ் பொலிஸார் விசாரணைகளை மேற்கொண்டு வருகின்றனர்.
