விசுவமடு பாடசாலையில் கொள்ளையிட்ட கும்பல் சிக்கியது
முல்லைத்தீவு விசுவமடு மகா வித்தியாலயத்தில் தொடர்ச்சியாக கொள்ளையில் ஈடுபட்ட கும்பலை புதுக்குடியிருப்புப் காவல்துறையினர் கைது செய்துள்ளனர்.
குறித்த பாடசாலையில் தொடர்ச்சியாக மின்மோட்டார் உட்பட பல பொருட்கள் தொடர்ச்சியாக காணாமல் போனது.
இந்த களவு நடவடிக்கையில் குறித்த பகுதியில் வாழும் சில போதைப் பொருளுக்கு அடிமையானவர்கள் ஈடுபடுவதாக காவல்துறையினருக்கு தகவல் கிடைத்த நிலையில் குறித்த கும்பல் கையும் களவுமாக பிடிபட்டது .
அவர்களிடமிருந்து களவாடப் பொருட்கள் பல மீட்கப்பட்டுள்ளதாக தெரிவிக்கப்படும் நிலையில் சம்பவம் தொடர்பில் புதுக்குடியிருப்பு காவல்துறையினர் விசாரணைகளை மேற்கொண்டு வருகின்றனர்.
