பாஸ்போட் அலுவலகத்தில் 51 வயது அங்கில் தற்கொலைக்கு முயற்சித்தது ஏன்?

இதை அடுத்து விரைந்து செயற்பட்ட காரியாலய உத்தியோகத்தர்கள் அவருக்கு வழங்கிய உத்தரவாதத்தை அடுத்து அவர் மரத்தில் இருந்து கீழ் இறங்கினார்.

இச்சம்பவம் தொடர்பில் தெரியவருவதாவது

திருகோணமலை மஹாயபுர பகுதியை சேர்ந்த 51வயதுடைய அநுரகுமார என்பவர் கடந்த மூன்று நாட்களாக வவுனியா கடவுச்சீட்டு அலுவலகத்திற்கு பாஸ்போட் பெறுவதற்காக வந்து சென்றுள்ளார்.

எனினும் தன்னால் கடவுச்சீட்டை பெறமுடியாது போனதாகவும், இதனால் விரக்தி அடைந்த நபர் கடவுச்சீட்டு காரியாலயம் முன்பாக இருந்த மரத்தில் ஏறி தற்கொலை செய்வேன் என கூறி போராட்டம் நடத்தினார்.

சம்பவம் தொடர்பில் பாதிக்கப்பட்டவர் தெரிவிக்கையில்,

தனக்கு காலில் நோய் ஒன்று இருப்பதாகவும் நீண்ட நேரம் தன்னால் நிற்க முடியாது எனவும் இருந்தும் கடவுச்சீட்டு பெறுவதற்காக கடந்த மூன்று தினங்களாக இவ்விடத்திலேயே தினமும் நிற்பதாவும் ஆனாலும் சில மாபியா குழுக்கள் பணத்தை பெற்றுக்கொண்டு தாம் வரிசையில் நின்று இடங்களை பெற்று விற்பனை செய்து வருகிறார்கள் என்றும் குற்றம் சாட்டினார். அத்தோடு அந்த மாபியாக்களுக்கு பொலிஸாரும் உடந்தையாக உள்ளனர் என்றும் அவர் தெரிவித்துள்ளார்.

அரச விடுதியில் சமூக சீர்கேடான விடயங்கள்
அதேசமயம் கடவுச்சீட்டு அலுவலகம் அமைந்துள்ள பிரதான வீதி ஒடுங்கிய வீதி என்பதால் வீதியின் இரு பகுதியிலும் வாகனங்கள் தரித்து நிற்பதுடன் புதிது புதிதாக கொட்டகை வியாபார நிலையங்களும் உருவாக்கியுள்ளன

இதானல் அப்பகுதியால் பயணிப்பவர்கள் பெரும் சிரமத்துக்கும் உள்ளாகின்றனர் இது தொடர்பாக பலமுறை பொமக்களால் பொலிஸாருக்கும் உள்ளூராட்சி உதவி அணையாளருக்கும் அறிவித்தல் வழங்கியும் எந்த ஒரு நடவடிக்கையும் இதுவரை எடுக்கப்படவில்லை என பொதுமக்கள் விசனம் வெளியிட்டுள்ளனர் .

அதோடு சுகாதார பிரிவினரும் கடைக்காரகளிடம் கையூட்டு பெற்றுக்கொண்டா நடவடிக்கை எடுக்காமல் உள்ளார்கள் எனவும் மக்கள் விசனம் தெரிவிக்கின்றனர்.

இதேவேளை அப்பகுதியில் பாராளுமன்ற உறுப்பினர் ஒருவருக்கு வழங்கப்பட்டுள்ள அரச விடுதி ஒன்றினுள் சமூக சீர்கேடான விடயங்கள் இடம்பெறுவதாகவும் அது தொடர்பாக முறையிட்டும் எதுவிதமான் நடவடிக்கையும் மேற்கொள்ளவில்லை என்றும் பிரதேசமக்கள் குற்றம் சுமத்துகின்றனர்.