அம்பலாங்கொடை துப்பாக்கிச் சூட்டுச் சம்பவம் தொடர்பில் தகவல்கள்!
அம்பலாங்கொடை, உரவத்த பிரதேசத்தில் 10 ஆம் திகதி பிற்பகல் இடம்பெற்ற துப்பாக்கிச் சூட்டுச் சம்பவம் தொடர்பில் பல தகவல்கள் வெளியாகியுள்ளன.
சம்பவம் குறித்து தெரியவருவது, மோட்டார் சைக்கிளில் பயணித்த இனங்காணாத நபர் மற்றொரு மோட்டார் சைக்கிளில் பயணித்த கணவன், மனைவி மீது துப்பாக்கிச் சூட்டை நடத்தி அங்கிருந்து தப்பிச் சென்றுள்ளார். இந்த துப்பாக்கிச் சூட்டில் காயமடைந்த கணவனும் மனைவியும் சம்பவ இடத்தில் உயிரிழந்துள்ளனர்.
உயிரிழந்தவர்கள் அம்பலாங்கொடை, குளீகொட பிரதேசத்தைச் சேர்ந்தவர்கள் ஆவார். விசாரணையில், அவர்கள் போதைப்பொருள் கடத்தல்களுடன் தொடர்புடையவர்கள் எனவும், கணவன் பல முறை விளக்கமறியலில் வைக்கப்பட்டவர் எனவும் தெரியவந்துள்ளது.
போதைப்பொருள் கடத்தல் காரணமாக இந்த துப்பாக்கிச் சூடு நடந்திருக்கலாம் என்று பொலிஸார் சந்தேகிக்கின்றனர். மேலும், மனைவியின் சகோதரரும் சமீபத்தில் போதைப்பொருள் கடத்தல் காரணமாக துப்பாக்கிச் சூட்டில் உயிரிழந்தார்.
இந்த சம்பவம் தொடர்பான மேலதிக விசாரணைகளை அம்பலாங்கொடை பொலிஸார் மேற்கொண்டு வருகின்றனர்.
