க.பொ.த. சாதாரண தரப் பரீட்சைக்கான விண்ணப்பங்கள் இன்று முதல் ஏற்றுக்கொள்ளப்படுகின்றன
2024 (2025) கல்விப் பொதுத் தராதர சாதாரண தர பரீட்சைக்கான விண்ணப்பங்கள் இன்று (05) முதல் 30 ஆம் திகதி வரை ஏற்றுக்கொள்ளப்படவுள்ளதாக பரீட்சைகள் திணைக்களம் அறிவித்துள்ளது.
உத்தியோகபூர்வ இணையதளமான [www.doenets.lk](http://www.doenets.lk) அல்லது [www.onlineexams.gov.lk/eic](http://www.onlineexams.gov.lk/eic) மூலம் இணையவழியூடாக மட்டுமே விண்ணப்பங்கள் ஏற்றுக்கொள்ளப்படும் என, திங்கட்கிழமை (04) வெளியிடப்பட்ட அறிக்கையில் கூறப்பட்டுள்ளது.
அதன்படி, அனைத்து பாடசாலை விண்ணப்பதாரர்களும் தங்களின் பரீட்சை விண்ணப்பங்களை பாடசாலை அதிபர்கள் ஊடாக சமர்ப்பிக்க வேண்டும். தனியார் விண்ணப்பதாரர்கள் தனிப்பட்ட முறையில் விண்ணப்பிக்க அனுமதிக்கப்படுகிறார்கள்.
இணையவழியூடாக விண்ணப்பங்களை சமர்ப்பிப்பதற்கான காலவகாசம் இந்த மாதம் 30 ஆம் திகதி நள்ளிரவுடன் நிறைவடையும். எந்த வகையான கால நீடிப்புகள் வழங்கப்படாது என திணைக்களம் தெரிவித்துள்ளது.
மேலதிக தகவலுக்கு 0112784208, 0112784537, 0112785922 என்ற தொலைபேசி இலக்கங்கள் அல்லது [email protected] என்ற மின்னஞ்சல் முகவரிக்கு தொடர்புகொள்ளலாம்.
