கொக்கைன் போதைப்பொருளுடன் சியராலியோன் பிரஜை கைது!
கொக்கைன் போதைப்பொருளுடன் சியராலியோன் பிரஜை ஒருவர் கட்டுநாயக்க விமான நிலையத்தில் சுங்க போதைப்பொருள் தடுப்பு பிரிவினரால் கைது செய்யப்பட்டுள்ளார்.
32 வயதான இந்த சந்தேக நபர், துருக்கியின் இஸ்தான்புல் நகரத்திலிருந்து நேற்று அதிகாலை 05.49 மணிக்கு கட்டுநாயக்க விமான நிலையத்தை வந்தடைந்துள்ளார். அவர் “கிரீன் சேனல்” வழியாக விமான நிலையத்தை விட்டு வெளியேற முற்பட்ட போது, சுங்க அதிகாரிகள் அவரை பரிசோதனைக்குள்ளாக்கியபோது, அவர் கொக்கைன் போதைப்பொருளை வயிற்றில் சேகரித்து விழுங்கி வைத்திருப்பதாக கண்டுபிடிக்கப்பட்டது.
இதனைத் தொடர்ந்து, அவரை கைது செய்து, நீர்கொழும்பு பொது வைத்தியசாலையில் அனுமதிக்கப்பட்ட பின்னர், அவரின் வயிற்றிலிருந்து 56 கொக்கைன் மாத்திரைகள் எடுக்கப்பட்டன.
அந்த கொக்கைன் போதைப்பொருளின் மொத்த பெறுமதி சுமார் 430,000 ரூபாய் ஆகும்.
சந்தேக நபர் சுமார் 80 கொக்கைன் மாத்திரைகளை விழுங்கியதாக தகவல் வெளியாகியுள்ளது. தற்போது, நீர்கொழும்பு பொது வைத்தியசாலை மருத்துவர்கள், அவர் வயிற்றில் எஞ்சியுள்ள கொக்கைன் மாத்திரைகளை அகற்றுவதற்கான நடவடிக்கைகளை மேற்கொண்டு உள்ளனர்.
