கோப்பாய் ஆசிரியர் கலாசாலையில் நாவலர் குருபூசை
ஆறுமுக நாவலரின் குரு பூசை தினம் இன்றைய தினம் யாழ்ப்பாணம் கோப்பாய் ஆசிரியர் கலாசாலையில் இடம் பெற்றது.
நிகழ்வின் தொடக்கத்தில் கலாசாலையில் அமைந்துள்ள ஆறுமுக நாவலரின் திருவுருவ சிலைக்கு கலாசாலை அதிபர் லலீசனும் இந்து மாமன்ற காப்பாளரும் விரிவுரையாளருமாகிய பாலசண்முகனும் மலர் மாலை அணிவித்து வணக்கம் செலுத்தினர்.
அதனைத் தொடர்ந்து ஆசிரிய மாணவர்கள் மலர் வணக்கம் செலுத்தினர்.
கலாசாலை ஆசிரிய மாணவர்கள் சமய வேறுபாடின்றி ஸ்ரீலஸ்ரீ ஆறுமுக நாவலர் குறித்து தாங்கள் அறிந்ததை சபையின் முன் குறுகிய நேர உரையாக சமர்ப்பித்தனர்.
நிகழ்வின் கருத்துரைகளை பிரதி அதிபர் கோபாலகிருஷ்ணன் மற்றும் தமிழ்த் துறை விரிவுரையாளர் வேல் நந்தகுமார் ஆகியோர் ஆற்றினர்.
இந்து மன்ற காப்பாளர் பாலஷண்முகன் நிறைவுரை ஆற்றினார். நிகழ்ச்சியினை மாணவர் மன்ற தலைவர் சு தனசீலன் நெறிப்படுத்தினார். நிகழ்வில் வரவேற்புரையை க.பிரசாந்தனும் நன்றியுரை ச.கஜராஜூம் நிகழ்த்தினர்.
