சட்டவிரோதமாக நாட்டில் தங்கிய வெளிநாட்டுப் பிரஜைகள்: இருவர் கைது
விசா இல்லாமல் சட்டவிரோதமாக நாட்டில் தங்கியிருந்த இரண்டு வெளிநாட்டுப் பிரஜைகள் கடந்த ஞாயிற்றுக்கிழமை (03) கண்டி சுற்றுலா பொலிஸ் பிரிவினரால் கைது செய்யப்பட்டனர்.
பொலிஸாருக்கு கிடைத்த தகவலின் அடிப்படையில் மேற்கொள்ளப்பட்ட சுற்றிவளைப்பில், சந்தேக நபர்கள் கண்டி மற்றும் பூவெலிகட பிரதேசத்தில் வைத்து கைது செய்யப்பட்டனர். கைது செய்யப்பட்டவர்கள் 22 வயதுடைய இத்தாலியப் பிரஜையும், 32 வயதுடைய பிரித்தானியப் பிரஜையுமாக இருக்கின்றனர்.
இருவரும் மேலதிக விசாரணைகளுக்காக கண்டி பொலிஸ் நிலையத்தில் ஒப்படைக்கப்பட்டனர். இதற்கு தொடர்பான மேலதிக விசாரணைகள் தற்போது கண்டி பொலிஸாரால் மேற்கொள்ளப்பட்டு வருகின்றன.
