சுரங்க பணியாளர்கள் மீது மண்மேடு சரிந்து விபத்து!
லக்கல பொலிஸ் பிரிவிற்கு உட்பட்ட ஹத்தொட்ட அமுன பிரதேசத்தில் உள்ள ஒரு சுரங்கத்தில் பணியாற்றிய போது, மண்மேடு சரிந்து விழுந்ததில் 40 வயதுடைய ஒரு நபர் உயிரிழந்துள்ளார்.
இந்த விபத்து நேற்று (06) மாலை நிகழ்ந்ததாக பொலிஸார் தெரிவித்துள்ளனர். உயிரிழந்தவர் ஹத்தொட்ட அமுன பிரதேசத்தை சேர்ந்தவர் எனவும், அவர் உட்பட மேலும் நால்வர் தனியார் காணியில் மாணிக்கக்கல் சுரங்கம் தோண்டுவதற்காகச் சென்றிருந்த போது இந்த விபத்து இடம்பெற்றுள்ளதாக விசாரணையில் தெரியவந்துள்ளது.
உயிரிழந்தவரின் சடலம் லக்கல வைத்தியசாலையின் பிரேத அறையில் வைக்கப்பட்டுள்ளதுடன், லக்கல பொலிஸார் மேலதிக விசாரணைகளை மேற்கொண்டு வருகின்றனர்.
