தீபாவளி வெளியீட்டில் வென்ற ‘அமரன்’
தீபாவளி திருநாளன்று வெளியான திரைப்படங்களில், சிவகார்த்திகேயன் நடிப்பில் உருவான ‘அமரன்’ திரைப்படம் பாரிய வசூல் சாதனை முற்று பெற்றுள்ளது. தமிழர்கள் உலகளாவியமாக கொண்டாடும் தீபாவளி நாளன்று, ‘அமரன்’ உட்பட ஜெயம் ரவி நடிக்கும் ‘பிரதர்’, கவின் நடிக்கும் ‘பிளடி பெக்கர்’, மற்றும் துல்கர் சல்மான் நடிக்கும் ‘லக்கி பாஸ்கர்’ எனும் திரைப்படங்கள் வெளியானது.
அந்த நான்கு திரைப்படங்களில், ‘அமரன்’ விமர்சன மற்றும் வசூல் ரீதியில் சிறந்த வெற்றியை பெற்றதாக கூறப்படுகிறது. இந்திய மதிப்பில், இப்படம் வெளியான முதல் நாளில் 40 கோடி ரூபாய் வசூலித்ததாக தெரிய வருகிறது. தொடர்ந்து விடுமுறை நாட்களில், ‘அமரன்’ திரைப்படம் 150 கோடி ரூபாய்க்கு மேல் வசூலித்துள்ளதால், திரையுலக வணிகர்கள் பெரும் எதிர்பார்ப்பை வைத்துள்ளனர்.
இந்த வெற்றியின் அன்பு விழா இன்று சென்னையில் நடைபெறுவதற்காக ஏற்பாடுகள் செய்யப்பட்டுள்ளன, இதில் அதிகாரப்பூர்வ வசூல் நிலவரம் குறித்த அறிவிப்பு வெளியாகும் என எதிர்பார்க்கப்படுகிறது.
‘அமரன்’ திரைப்படத்திற்கு, தமிழக முதல்வர் மு. க. ஸ்டாலின், துணை முதல்வர் உதயநிதி ஸ்டாலின், சுப்பர் ஸ்ட்டார் ரஜினிகாந்த், பாஜக மாநில தலைவர் அண்ணாமலை, நாம் தமிழர் கட்சியின் ஒருங்கிணைப்பாளர் சீமான் உள்ளிட்ட அரசியல் தலைவர்களும் வாழ்த்து தெரிவித்ததால், படத்தின் வசூல் மேலும் அதிகரித்துள்ளது.
இதில், ‘லக்கி பாஸ்கர்’ திரைப்படம் விமர்சன ரீதியாகவும், வசூல் ரீதியாகவும் வெற்றியடைந்ததாகவும், ‘பிளடி பெக்கர்’ மற்றும் ‘பிரதர்’ ஆகிய படங்களும் ரசிகர்களிடத்தில் வரவேற்பைப் பெற்றுள்ளதாக திரையுலக வட்டாரங்கள் தெரிவித்துள்ளன.
