மாணிக்கக்கல் வர்த்தகர் வீட்டில் கோடிக்கணக்கில் கொள்ளை
மாத்தல-தேவாலதெனிய பகுதியில் கோடீஸ்வர மாணிக்கக்கல் வர்த்தகர் ஒருவரின் வீட்டில் சுமார் 7 கோடி ரூபாய் பெறுமதியான நகைகள் மற்றும் பணத்தை கொள்ளையர்கள் திருடிச் சென்றனர். நேற்று இரவு வீட்டுக்குள் நுழைந்த இனந்தெரியாத 5 பேர் கொண்ட கொள்ளையர் குழு, வர்த்தகரின் தலையில் கைத்துப்பாக்கி வைத்து அவரின் கை, கால்களை கட்டி பயமுறுத்தியது.
வர்த்தகரின் மனைவி மற்றும் அவரது மனைவியின் தந்தையையும் தடுத்து வைத்து, தங்கம், பணம், மாணிக்கக்கல் உள்ளிட்ட பொருட்களை திருடிவிட்டு கார் மூலம் தப்பியுள்ளனர். இன்று காலை கலேவெல பகுதியில் பொலிஸார் சந்தேகத்தின் அடிப்படையில் காரை கண்டுபிடித்தனர்.
கொள்ளையர்கள் பயன்படுத்தியதாக சந்தேகிக்கப்படும் காலணிகள் மற்றும் மோப்பநாய் மூலம் விசாரணைகள் முன்னெடுக்கப்பட்டு வருவதாகவும், பொலிஸார் தகவல் தெரிவித்தனர்.
