யாழ் சாவகச்சேரி ஆட்டோ விபத்தில் நால்வர் படுகாயம்
யாழ்ப்பாணம் சாவகச்சேரி பகுதியில் கனரக வாகனத்துடன் முச்சக்கரவண்டி மோதியதில் நால்வர் படுகாயமடைந்தனர்.
சாவகச்சேரி ஆதார வைத்தியசாலைக்கு அருகில் உள்ள யாழ்ப்பாணம் – கண்டி நெடுஞ்சாலையில் இன்று செவ்வாய்க்கிழமை மதியம் குறித்த விபத்து இடம்பெற்றுள்ளது.
கனரகவாகனம் வீதியின் ஓரமாக நின்று, வீதிக்கு ஏற முற்பட்டவேளை , பின்புறமாக வந்த முச்சக்கர வண்டி வேக கட்டுப்பாட்டை இழந்து வாகனத்துடன் மோதி விபத்துக்குள்ளானது.
விபத்தில் படுகாயமடைந்த முச்சக்கரவண்டி சாரதி மற்றும் அதில் பயணித்த மூவரும் சாவகச்சேரி ஆதார வைத்தியசாலையில் அனுமதிக்கப்பட்டுள்ளனர்.
விபத்து தொடர்பான விசாரணைகளை சாவகச்சேரி பொலிஸார் முன்னெடுத்துள்ளனர்
