“ஒன்றரை கோடி மதிப்புள்ள ஐஸ் போதைப்பொருளுடன் 3 பேர் கைது”
ஒரு கோடி 50 லட்சம் ரூபா பெறுமதியான ஐஸ் போதைப்பொருளுடன், இரண்டு பெண்கள் மற்றும் ஒரு இளைஞன் ஆகிய மூவரும் பொலிஸ் விசேட அதிரடிப்படையினரால் கம்பஹா, தெல்கொட பிரதேசத்தில் கைது செய்யப்பட்டுள்ளதாக தகவல் வெளியாகியுள்ளது.
கைது செய்யப்பட்ட நபர்கள் 38 மற்றும் 58 வயதுடைய இரண்டு பெண்கள், 26 வயதுடைய இளைஞன் ஆகியோர். அவர்கள் வைத்திருந்த 1 கிலோ 15 கிராம் ஐஸ் போதைப்பொருளை, 4 கையடக்கத் தொலைபேசிகள் மற்றும் கார் ஆகியவற்றையும் பொலிஸார் கைப்பற்றியுள்ளனர்.
இந்த மூவரும் மேலதிக விசாரணைகளுக்காக மீகஹவத்தை பொலிஸ் நிலையத்தில் ஒப்படைக்கப்பட்டுள்ளனர்.
