அஜித் வழியில் கமல்!
மக்கள் நீதி மய்யம் கட்சி தலைவர் மற்றும் பிரபல நடிகர் கமல்ஹாசன், தன்னை “உலகநாயகன்” என்று அழைக்கும் பட்டத்தை துறக்க முடிவு செய்துள்ளார். சமூக வலைதள பக்கத்தில் அவர் வெளியிட்டுள்ள அறிக்கையில், “உலகநாயகன்” உள்ளிட்ட பட்டங்கள் மக்களின் அன்பின் அடிப்படையில் வழங்கப்பட்டவை என்பதையும், அதற்கு அவர் நன்றியுணர்வுடன் இருப்பதையும் குறிப்பிட்டுள்ளார்.
அவர் குறிப்பிட்டதாவது, “சினிமா கலை தனி மனிதனுக்கு அப்பாற்பட்டது. கலைதான் பெரியது; கலைஞனோ அதன் ஒரு பகுதி மட்டுமே. எனவே, இந்த பட்டங்களைத் துறப்பதன் மூலம் கலையின் பெருமையை முன்னிலைப்படுத்த விரும்புகிறேன்” என்று தெரிவித்துள்ளார்.
மேலும், இனி ரசிகர்களும், ஊடக நண்பர்களும், கட்சித் தொண்டர்களும் தன்னை கமல்ஹாசன் அல்லது கமல் அல்லது KH என மட்டுமே அழைக்க வேண்டுமென கேட்டுக்கொண்டார். இதனுடன், இதுவரை அவர் மீது காட்டிய அன்புக்கு அவர் மீண்டும் நன்றி தெரிவித்தார்.
