ஹர்த்தால் நடத்துவதால் சச்சிக்கு என்ன பிரச்சினை – சுரேஸ் கேள்வி
ஹர்த்தால் நடைபெறுவதால் சச்சிதானந்தனுக்கு என்ன பிரச்சினையோ தெரியவில்லை என்று தெரிவித்த சுரேஷ் பிரேமச்சந்திரன், அவர் நேரில் வந்து எங்களுடன் பேசினால் அவருக்கு இதைப் பற்றி விளங்கப்படுத்தலாம் என்று கூறினார்.
தமிழ்த் தேசியக் கட்சிகள் இணைந்து எதிர்வரும் 20ஆம் திகதி வடக்கு – கிழக்கு தழுவிய ரீதியில் ஹர்த்தாலுக்கு அழைப்பு விடுத்துள்ளன.
இந்நிலையில் ஹர்த்தால் அறிவிப்பை உடன் மீளப் பெறுங்கள் என இலங்கை சிவசேனை அமைப்பின் தலைவர் மறவன்புலவு க.சச்சிதானந்தன் ஊடக அறிக்கையொன்றின் மூலமாக வேண்டுகோள் விடுத்துள்ளார்.
இதற்கு சுரேஷ் பிரேமச்சந்திரன் மேற் குறிப்பிட்டவாறு பதில் வழங்கியுள்ளார்.
