மட்டக்களப்பில் சந்தேகத்திற்கு இடமான முறையில் நடமாடிய இருவர் கைது

மட்டக்களப்பில் சீயோன் தேவாலயத்திற்கு அருகில் சந்தேகத்திற்கு இடமாக நடமாடிய குருணாகல் பகுதியைச் சேர்ந்த இருவர் இன்று (புதன்கிழமை, 23) பொலிஸாரால் கைது செய்யப்பட்டுள்ளனர்.

இந்த சம்பவம் தொடர்பாக தெரியவருவது, குருணாகலைச் சேர்ந்த ஒருவருக்கு கண்ணில் ஏற்பட்ட வெண்படல நோயைக் குணப்படுத்தும் நோக்கில், அவர் சீயோன் தேவாலயத்தில் உள்ள போதகருடன் தொடர்பு கொண்டு பிரயாணம் செய்துள்ளார்.

அவருடன், மேலும் இருவரும் நோய் குணமாகும் நடவடிக்கைகளில் உதவியாக மட்டக்களப்பை வந்தடைந்த நிலையில், தேவாலயத்திற்கு செல்லாமல் அந்த பகுதியைச் சுற்றி நடமாடியதை பொதுமக்கள் கவனித்துள்ளனர்.

இதனால் சந்தேகம் எழுந்த பொதுமக்கள் பொலிஸ் அவசர சேவைக்கு தகவல் வழங்கியதைத் தொடர்ந்து, சம்பவ இடத்திற்கு வந்த பொலிஸார் அந்த இருவரையும் கைது செய்துள்ளனர்.

பொலிஸார், கைது செய்யப்பட்ட நபர்களின் கைவிரல் அடையாளங்களைப் பெற்று மேலதிக விசாரணைகளை முன்னெடுத்துவருகின்றனர்.