அம்பாறையில் கைக்குண்டு மீட்பு
அம்பாறை மாவட்டம், சம்மாந்துறை பகுதியில் கட்டட வேலைக்காக கொட்டப்பட்ட மண்ணில் இருந்து புதையுண்ட நிலையில் கைக்குண்டு ஒன்று மீட்கப்பட்டுள்ளது. இந்த சம்பவம் திங்கட்கிழமை (21) மாலை இடம்பெற்றுள்ளது.
கட்டட வேலைகளில் ஈடுபட்டவர்கள் 119 என்ற பொலிஸ் அவசர பிரிவுக்கு தகவல் அளித்ததையடுத்து, சம்மாந்துறை பொலிஸார் விரைந்து சம்பவ இடத்துக்கு சென்றுள்ளனர்.
கைக்குண்டை செயலிழக்கச் செய்வதற்காக விசேட அதிரடி படையினரும், குற்றவியல் தடயவியல் பொலிஸாரும் சம்பவ இடத்துக்கு வரவழைக்கப்பட்டுள்ளனர்.
இதனைச் செயலிழக்கச் செய்வதற்கான நடவடிக்கைகள் சம்மாந்துறை நீதவான் நீதிமன்ற கட்டளையின் கீழ் மேற்கொள்ளப்பட்டு, மேலதிக விசாரணைகள் நடைபெற்று வருகின்றன.
