நியூசிலாந்து டெஸ்ட் தொடரில் 46 ரன்னில் இந்தியா ஆல் அவுட்
இந்தியா மற்றும் நியூசிலாந்து அணிகளுக்கிடையிலான முதலாவது டெஸ்ட் போட்டி பெங்களூருவில் உள்ள சின்னசாமி மைதானத்தில் நடைபெறுகிறது. தொடர் மழை காரணமாக முதல் நாள் ஆட்டம் முற்றிலும் கைவிடப்பட்டது. இந்நிலையில், இரண்டாம் நாள் போட்டி இன்று டாஸுடன் தொடங்கியது, இதில் இந்திய அணி டாஸ் வென்று பேட்டிங்கை தேர்வு செய்தது.
முழு உடல் தகுதியற்ற சுப்மன் கில் அணியில் இடம் பெறவில்லை, அவரின் இடத்தில் சர்பிராஸ் கான் களமிறங்கினார். இந்திய அணி மூன்று சுழற்பந்து வீச்சாளர்களுடன் களமிறங்கியது: அஸ்வின், ஜடேஜா, மற்றும் குல்தீப் யாதவ்.
ஆட்டம் தொடங்கியதும், இந்திய அணிக்கு தொடக்கமே தடுமாறல் இருந்தது. கேப்டன் ரோகித் சர்மா 2 ரன்களில் டிம் சவுத்தி பந்தில் அவுட் ஆனார். விராட் கோலியும் 9 பந்துகள் சந்தித்தும் ரன் எடுக்காமல் ரூர்கி பந்தில் அவுட்டானார். சர்பிராஸ் கானும் ரன் ஏதும் எடுக்காமல் விக்கெட்டை இழந்தார். இந்திய அணி மூன்று முக்கிய விக்கெட்டுகளை இழந்து பரிதாப நிலையைச் சந்தித்தது.
மழை தொடர்ந்து குறுக்கிட்டதால், ஆட்டம் இடையீடு செய்யப்பட்டது. பிறகு மீண்டும் தொடங்கியதும், இந்திய அணி 6 விக்கெட்டுகளை இழந்து 34 ரன்களுக்கு தள்ளப்பட்டது. ஜெய்ஸ்வால் மட்டும் 13 ரன்களை எடுத்தார், மற்றவர்கள் பெரிதும் பங்களிக்கவில்லை.
முதலாவது இன்னிங்ஸில் இந்திய அணி 46 ரன்களுக்கு அனைத்து விக்கெட்டுகளையும் இழந்தது. நியூசிலாந்து சார்பில் ரூர்கி 4 விக்கெட்டுகள், மேட் ஹென்றி 5 விக்கெட்டுகள், மற்றும் டிம் சவுத்தி 1 விக்கெட்டை வீழ்த்தினர்.
