ஐஸ் போதைப்பொருளுடன் இருவர் கைது !

கடவத்தை மற்றும் தொம்பே பிரிவுகளில் கடந்த புதன்கிழமை (20) இடம்பெற்ற சுற்றிவளைப்பில், 29 மற்றும் 39 வயதுடைய இரண்டு சந்தேக நபர்கள் கைதாகினர்.

இவர்கள் அங்கு வைத்திருந்த 3.536 கிலோ ஐஸ் போதைப்பொருள், 1 கோடி 10 லட்சம் ரூபா பணம், 3 கையடக்கத் தொலைபேசிகள் மற்றும் கார் ஆகியவை பொலிஸாரால் கைப்பற்றப்பட்டன.

இவர்கள் துபாயில் தலைமறைவாகிய ஒரு பிரபல போதைப்பொருள் கடத்தல்காரரின் நெருங்கிய உறவினர்கள் என விசாரணைகளில் தெரியவந்துள்ளது.

மேலதிக விசாரணைகள் பொலிஸ் போதைப்பொருள் தடுப்புப் பிரிவினரால் நடைபெற்று வருகின்றன.