உலகின் மிகப்பெரிய சேவல் வடிவ உணவகம்
பிலிப்பைன்ஸ் நாட்டில் அமைந்துள்ள உலகின் மிகப்பெரிய கோழி வடிவ ஓட்டல் காம்புஸ்டோஹான் ஹைலேண்ட் ரிசார்ட்டின் ஒரு பகுதியாக கட்டப்பட்டுள்ளது. இது 34.931 மீட்டர் (114 அடி 7 அங்குலம்) உயரம், 12.127 மீட்டர் (39 அடி 9 அங்குலம்) அகலம், மற்றும் 28.172 மீட்டர் (92 அடி 5 அங்குலம்) நீளம் கொண்டது.
இக்கட்டிடம் 15 அறைகளைக் கொண்டுள்ளது, மேலும் 2023 ஜூன் 10 ஆம் தேதி தொடங்கப்பட்டு 2024 செப்டம்பர் 8 அன்று கட்டி முடிக்கப்பட்டது. இதனால், உலகின் மிகப்பெரிய கோழி வடிவ ஓட்டலாக கின்னஸ் உலக சாதனை புத்தகத்தில் இடம்பிடித்துள்ளது.
கடுமையான புயல் மற்றும் சூறாவளிகளைத் தாங்கும் வகையில் கட்டப்பட்டுள்ள இந்த ஓட்டல், வித்தியாசமான கட்டுமான வடிவமைப்பினால் சுற்றுலாப் பயணிகளை கவர்கிறது.
